ماہرین آثار قدیمہ نے دعویٰ کیا ہے کہ انہوں نے اہرام مصرکی تعمیر کے پیچیدہ ترین گتھیوں میں سے ایک کا جواب ڈھونڈ لیا ہے۔
قدیم دور میں مصریوں نے اہرام مصر تعمیر کرنے کے لیے ڈیڑھ لاکھ ٹن سے زائد وزنی چونا پتھر کس طرح ایک جگہ سے دوسری جگہ منتقل کیا ؟ ماہرین اس سوال کا جواب تلاش کرنے میں کامیاب ہوگئے ہیں۔
نئی تحقیق کے مطابق قاہرہ شہر سے باہر خاص کشتیاں تیار کی گئی تھیں جن کی مدد سے بھاری پتھروں کو منتقل کیا گیا۔
چار ہزار سال قبل مسیح میں تعمیر کیے گئے کنگ خوفو کے اہرام کے لیے تقریباً 23 لاکھ پتھرگیزا کے میدان میں لائے گئے تھے۔
ماہرین نے اس علاقے اور گزرگاہ کی نشاندہی کرلی ہے جہاں سے پتھر گیزا کے میدان پر لائے جاتے تھے۔