لاہور میں راوی روڈ پولیس نے سوشل میڈیا پر لوگوں کو مسائل کا حل بتانے کا جھانسا دے کر لوٹنے والے 2 جعلی عامل گرفتار کر لیے۔
پولیس کے مطابق گرفتار دونوں جعلی عامل سگے بھائی ہیں ،ملزمان نے فیس بک پر شاہ جی کے نام سے اکائونٹ بنا رکھا تھا۔
پولیس کے مطابق اس کے ذریعے وہ سادہ لوح شہریوں کو لوٹا کرتے تھے ،پولیس نے ملزمان کے قبضے سے بڑی رقم اور اسلحہ بھی برآمد کیا ہے۔
ان کا کہنا ہے کہ پسند کی شادی ، میاں بیوی میں جھگڑے اور دیگر مسائل پر سائلین ان سے رابطہ کرتے تھے۔