یوں تو دنیا بھر میں کئی ماہر شیفس مختلف انداز سے نت نئی ڈشز تیار کرکے شائقین کو حیران کردیتے ہیں تاہم چین میں کچھ ماہر شیفس نے دیوہیکل اسٹیمر میں چین کی سب سے بڑی روایتی ڈش تیار کرکے دیکھنے والوں کو دنگ کردیا۔
اس ڈش کی تیاری میں 500کلو گرام گوشت،تارواور مختلف ذائقوں سے تیار کئے گئے چاول کا استعمال کیا جاتا ہے جس کے بعد اسے بانس سے بنے دیوہیکل اسٹیمر میں ڈال کر پکایا جاتا ہے ۔
جب یہ تیار ہوجائے تو درجنوں لوگوں کی مدد سے اس کادیوہیکل ڈھکن ہٹاکر لوگوں میں تقسیم کردیا جاتا ہے۔