بیت المقدس کو اسرائیلی دارالحکومت قرار دینے کےاعلان کے خلاف کراچی میں مجلس وحدت مسلمین کی جانب سے احتجاجی مظاہرہ کیا گیا۔
ایم ڈبلیو ایم کے کارکن نمائش چورنگی سے ریلی کی شکل میں ٹاور پہنچے، مظاہرین میں خواتین سمیت بچوں کی بڑی تعداد شامل تھی۔
مظاہرین سے خطاب کرتے ہوئے ایم ڈبلیو ایم کے مرکزی رہنما مختار امامی کا کہنا تھا کہ امریکا کو ہم نے واضح پیغام دے دیا ہے کہ ان کے ظالمانہ فیصلے کو نہیں مانتے، پوری دنیا کے مسلمان اس اقدام کے خلاف سراپا احتجاج ہیں۔
مظاہرین امریکی قونصل خانہ جانا چاہتے تھے تاہم ایم ٹی خان روڈ کو کنٹینر لگا کر بند کردیا گیا تھا۔