ہار جیت کھیل کا حصہ ہوتی ہے لیکن بعض اوقات کھلاڑی کھیل کے میدان میں اپنے جذبات اور غصے پر قابو نہیں رکھ پاتے جس سے نوبت ہاتھا پائی تک جاپہنچتی ہے۔
ایسا ہی ایک نظارہ گذشتہ دنوں روس میں ہونے والے جونیئر آئس ہاکی میچ کے دوران دیکھنے کو ملا جس میں انڈر 12کی دو ٹیمیں مدِ مقابل تھیں۔
دونوں ٹیموں کے درمیان چھوٹے سے جھگڑے سے شروع ہونے والی بات ہاتھا پائی تک جاپہنچی جہاں مدِ مقابل کھلاڑیوں نے کھل کر لاتوں گھونسوں کا استعمال کیا۔
کہیں کوئی کسی کی ہاکی اسٹک سے دھنائی کرتا نظر آیا تو کوئی فلائنگ ککس اور گھونسوں سے مخالف ٹیم پر بھاری پڑتا دکھائی دیا جب چند کھلاڑی تو مارشل آرٹس کا شاندار مظاہرہ پیش کرتے فلائنگ فلپ فلاپ تکنیک کا سہارا لیکر دوسرے کھلاڑیوں کو ڈھیر کرنے میں مصروف رہے۔