دلی اسمبلی میں عام آدمی پارٹی کے بیس ارکان اسمبلی کو نااہل قرار دے دیا گیا، بھارتی صدر رام ناتھ کوند نے اسکی منظوری دے دی، ان ارکان پر الزام ہے کہ انہیں غیر آئینی طورپر پارلیمانی سکریٹری مقرر کیا گیا۔
بھارتی الیکشن کمیشن نے صدر سے عام آدمی پارٹی کے بیس ارکان اسمبلی کی آفسز آف پروفٹ کیس میں نااہلی کی درخواست کی تھی، صدر کووند کی جانب سے الیکشن کمیشن کی درخواست منظور ہونے کے بعد وزارت قانون نے ان ارکان کی نااہلی کا نوٹیفیکیشن جاری کردیا ہے۔
آئین کی رو سے ارکان پارلیمان اور اسمبلی ایسے کسی عہدے پر فائز نہیں ہو سکتے جس سے انہیں کسی طرح کا مالی فائدہ ہوتا ہو، بھارتی ہائی کورٹ بھی ارکان کی جانب سے الیکشن کمیشن نااہلی فیصلے کے خلاف چیلنج کو مسترد کر چکی ہے۔