امریکی وزیر خارجہ ریکس ٹلرسن شام کے بحران پر بات چیت کے لئے آئندہ ہفتے ترکی کا دورہ کریں گے۔
ٹلرسن گیارہ تا سولہ فروری اردن، ترکی، لبنان، مصر اور کویت کے دورے کریں گے۔
امریکی وزارت خارجہ کے ایک اعلیٰ اہلکار نے اپنا نام ظاہر نہ کرنے کی شرط پر غیر ملکی خبر رساں ایجنسی کو بتایا ہے کہ ٹلرسن کا دورہ ترکی مشکل ہوگا۔
سفارتی ذرائع کے مطابق ٹلرسن اپنے دورہ ترکی میں ترک حکومت پر زور دیں گے کہ وہ شمالی شامی علاقے عفرین میں جاری اپنی فوجی کارروائی کو محدود کرے۔