بھارتی ریاست بہارمیں میٹرک کےامتحانات سے قبل تعلیمی بورڈ نے نقل کی روک تھام کیلئےمتعدد اقدامات کیے ہیں ،اور طلباکے امتحانی ہال میں جوتےموزےپہن کرآنےپرپابندی کا سرکلر جاری کردیاگیا ہے۔
بھارتی میڈیاکے مطابق بہارمیں میٹرک کےامتحانات دینے کیلئے صرف سینڈل اور سلیپرز پہن کر آنے والوں کو ہی امتحانی کمرے میں داخل ہونے کی اجازت ہوگی،امتحانی مراکز میں نقل کی روک تھام کیلئےسی سی ٹی وی کیمرےبھی لگائےجائیں گے۔
جب کہ امتحانی مراکز کے گرد200 میٹر تک دفعہ 144 کابھی نفاذ ہوگا۔ریاست بہارمیں گذشتہ سال ہونے والے امتحانات میںکھلےعام نقل کی تصاویروائرل ہوئی تھیں۔یاد رہے کہ بہارمیں میٹرک کےامتحانات 21فروری سےشروع ہورہےہیں۔