فیڈرل بورڈ آف ریونیو (ایف بی آر) نے ٹیکس ایمنسٹی اسکیم کی مدت میں 15 دن کی توسیع کی تجویز تیار کر لی، ٹیکس ایمنسٹی اسکیم کی مدت 30 جون کو ختم ہورہی ہے ۔
باخبر ذرائع کے مطابق ایف بی آر نے حکومت کو مدت میں توسیع کی تجویزدینے کا فیصلہ کیا ہے، امکان ہے کہ یہ تجویز آج وزیر خزانہ شمشاد اختر کو پیش کی جائے گی، وزیر خزانہ سے منظوری کے بعد وفاقی کابینہ سے اس تجویز کی منظوری حاصل کرکے اسے ایوان صدر بھیجا جائے گا ۔
ذرائع کے مطابق قانونی مجبوریوں کے سبب اسکیم میں توسیع صرف صدر مملکت ممنون حسین کی جانب سے آرڈی نینس کی صورت میں ہی ممکن ہے، صدرکی منظوری کے بعد ایمنسٹی اسکیم کی مدت میں 15 دن کی توسیع ہو سکے گی ۔