ٹوکیو (عرفان صدیقی ) جاپان میں بارشوں اور سیلاب سے ہلاک ہونے والوں کی تعداد 110ہوگئی اور 80افراد تاحال لاپتہ ہیں جبکہ جاپانی وزیر اعظم شنزوآبے نے متاثرین کی امداد اور بحالی کے کاموں کی نگرانی کیلئے اپنا غیر ملکی دورہ منسوخ کردیا اورتمام معاملات کی نگرانی سنبھال لی ۔
دوسری جانب جاپانی حکام نے ہلاکتوں میں اضافے کا خدشہ ظاہر کیا ہے۔ تفصیلات کے مطابق مغربی جاپان میں گزشتہ ہفتے سے ہونے والے طوفانی بارشوں ، سیلاب اور لینڈ سلائیڈنگ سے ہلاکتیں اور تباہی جاری ہے ،شہر اور گائوں ڈوپ چکے ہیں، پہاڑوں سے تودے گرنے کی اطلاعات ہیں جن سے ہلاکتیں بھی ہوئیں ،لاکھوں افرادبے گھر ہوچکے ہیں ،ہزاروں افراد امداد کے منتظر ہیں جبکہ جاپانی فوج اور ریلیف ادارے امدادی کاروائیوں میں مصروف ہیں ۔