لاہور میں پولیس اہلکار نے پنجاب سیکریٹریٹ میں خاتون کو اندر جانے سے یہ کہہ کر روک دیا کہ اُن کے پاس دوپٹہ نہیں ہے۔
سوشل میڈیا پر وائرل ہونے والی ویڈیو میں دیکھا اور سنا جاسکتا ہے کہ پنجاب پولیس کا اہلکار ایک خاتون کو دوپٹہ نہ ہونے پر پنجاب سیکریٹریٹ کے اند جانے سے روک رہا ہے۔
جس پر خاتون کا کہنا تھا کہ اُن کے لباس میں ایسا کچھ نہیں جس پر کسی کو اعتراض ہو۔
پولیس اہلکار کا کہنا تھا،صوبائی وزیر یاسمین راشد کی جانب سے ہدایت ہے کہ دوپٹے کے بغیر کسی خاتون کو اندر جانے کی اجازت نہ دی جائےجس پر خاتون نے پوچھا کیا یہ تحریری ہدایت ہے،جس پر پولیس اہلکار نے کہا نہیں یہ زبانی ہدایت ہے۔