سابق صدر آصف علی زرداری کا کشمیر پر بھارتی قبضے کےخلاف منائے جانے والے یومِ سیاہ کے حوالے سے جاری کیے گئے پیغام میں کہنا ہے کہ بھارت سے آزادی کشمیریوں کا حق ہے۔
انہوں نے کہا ہے کہ یقین ہے کہ ایک دن کشمیر بھارت کے قبضے سے آزاد ہوگا، بھارت کے قبضے سے کشمیر کی آزادی بھٹو شہید کا مشن ہے، پیپلز پارٹی کشمیری عوام کے ساتھ ہے۔
پی پی پی کے شریک چیئرمین نے یہ بھی کہا ہے کہ عالمی منصف، مظلوم کشمیریوں کو انصاف دلوانے میں مدد کریں، یقین ہے کہ کشمیر کی آزادی کا سورج ضرور طلوع ہوگا۔
واضح رہے کہ کنٹرول لائن کے دونوں اطراف اور دنیا بھر میں مقیم کشمیری آج یوم سیاہ منا رہے ہیں، 27 اکتوبر 1947ء کو بھارت نے اپنی فوجیں اتار کر کشمیر پر قبضہ کر لیا تھا۔