سندھ ہائی کورٹ نے لاپتہ افراد کے کیس میں پولیس کی کارکردگی پر شدید برہمی کا اظہار کیا ہے۔
لاپتہ افراد کے کیس میں عدالت نے ریمارکس دیئے کہ لاپتہ افراد کے کیس کو سنجیدہ لینا چاہتے ہیں۔ تفتیشی افسر کو کیس کا مکمل علم ہونا چاہیے۔
اہلیہ نیاز حسین اور عظیم صدیقی نے بتایا کہ ان کے شوہر دو سال سے لاپتہ ہیں۔ حافظ سعید اللہ اور عبداللہ کے والد نے کہا کہ دونوں بیٹوں کو اٹھالیا گیا ہے اب وہ کہاں جائیں۔
انہوں نے بتایا کہ دونوں کو ڈی ایس آر رینجرز کلیم امام نے حراست میں لیا ہے، جس پر عدالت نے آئندہ سماعت پر ڈی ایس آر رینجرز کو طلب کرلیا۔
اس موقع پر عدالت نے لاپتہ افراد کی بازیابی پر پیش رفت رپورٹ طلب کرتے ہوئے سماعت 16 جنوری تک ملتوی کردی ۔