چیف جسٹس ثاقب نثار نے کہا ہے کہ طبی سہولتوں کی مخدوش صورتحال ریاست کی ناکامی ہے،صحت شعبے کی بہتری کے لئے فنڈز فراہم کرنا حکومت کی ذمہ داری ہے۔
راولپنڈی میں ادارہ امراض قلب میں تقریب سے خطاب میں جسٹس ثاقب نثار نے کہا کہ پنجاب کے اسپتالوں کی حالت خراب دیکھی، خیبر پختونخوا کے اسپتال میں ایک بستر پر تین تین مریض دیکھے۔
انہوں نے کہا کہ اسپتالوں کے معیار کو بہتر کرنے کی ضرورت ہے، سفارشی کلچر ختم اور تمام کام میرٹ پر ہونے چاہئیں۔
چیف جسٹس نے مزید کہا کہ اسپتالوں میں مشینری کے لیے گائیڈ لائن دے دی ہے، ایگزیکٹو قانون کو مکمل انداز میں لاگو کرائے۔