اپرکوہستان میں شدید برفباری کے باعث پھنسے افراد کو نکالنے کے لئے پاک فوج نے ریسکیو آپریشن مکمل کرلیا ہے، 7 افراد کو بحفاظت نکال لیا گیا۔
اپرکوہستان کی سپٹ ویلی میں بلند پہاڑوں پر قیمتی پیراڈاٹ پتھر نکالنےوالے 7 مزدور شدید برف باری کے باعث دو ہفتوں سے پھنسے ہوئے تھے ۔
علاقے میں بیس فٹ برف پڑنے اور راستے کی بندش کی وجہ سے متاثرین کے رشتہ داروں نے ضلعی انتظامیہ سے مدد کی درخواست کی تھی، جس پر پاک فوج کے اہل کاروں نے ہیلی کاپٹر کی مدد سے 7 افراد کو ریسکیو کر کے پٹن پہنچا دیا ہے۔
ڈی پی او لوئرکوہستان محمد سلیمان کے مطابق سپٹ ویلی میں مزید 30 سے 35 مقامی افراد موجود ہیں جن کے پاس راشن اور شیلٹر موجود ہے اور وہ واپس آنا نہیں چاہتے۔