دنیا بھر سے ماہر کائٹ بورڈرز کی شرکت،ڈچ کھلاڑی نے شاندار مہارت کا مظاہرہ کرکے مقابلہ جیت لیا۔
جنوبی افریقا کے شہر کیپ ٹاؤن میں کائٹ بورڈنگ چمپئن شپ کا انعقاد کیا گیا۔کنگ آف دی ایئر نامی اس چمپئن شپ کیلئے مختلف ممالک سے 18 ماہر کائٹ بورڈرز یہاں پہنچے اور اپنے فن کا مظاہرہ کرتے دکھائی دیئے۔
اس موقع پر کائٹ بورڈرز حاضرین اور ججز کی موجودگی میں سمندر کی تندو تیز لہروں پر ائیر کائٹ بورڈنگ کی شاندار صلاحیتوں کا مظاہرہ کرتے ہوئے مختلف اسٹنٹس دکھاتے نظر آئے۔
سخت مقابلے کے بعد نیدرلینڈز سے تعلق رکھنے والے Kevin Langereeنامی کھلاڑی نے مہارت کا شاندار مظاہرہ کرتے ہوئے تیسری مرتبہ ٹائٹل اپنے نام کرلیا جو کہ ایک ریکارڈ ہے۔