تفتیشی افسر ڈاکٹر رضوان کے آج عدالت میں بیان پر سابق ایس ایس پی ملیر راؤ انوار نے قانونی کاروائی کا فیصلہ کیا ہے۔
سابق ایس ایس پی ملیر راؤ انوار نے میڈیا سے بات کرتے ہوئے کہا کہ ڈاکٹر رضوان کے بیان پر غیر جانبدار افسر کو تعینات کر کےانکوئری کرائی جائے۔
راؤ انوار نے سپریم کورٹ، آئی جی سندھ اور وزیر اعلی سندھ سے درخواست کی کہ سیکورٹی فراہم کرنے کے حکم کے باوجود گواہ کے لاپتہ ہونے کی تفتیش کی جائے۔
راؤ انوار کا کہنا تھا کہ ڈاکٹر رضوان اس سے قبل بھی کسی کیس میں کامیابی حاصل نہیں کرسکے،ڈاکٹر رضوان اعلی عدالت کو الزامات کے ثبوت فراہم کریں۔
انہوں نے کہا کہ ڈاکٹر رضوان کی ناقص تفتیش کے باعث کیس اب تک کسی نتیجے پر نہیں پہنچ سکا۔