پاک بحریہ نے محروم طبقے کو طبی سہولیات فراہم کرنے کے مقصد کے تحت کیٹی بندر میں فری میڈیکل کیمپ کا انعقاد کیا۔
پاک بحریہ کے فری میڈیکل کیمپ میں جنرل فزیشن، میڈیکل اسپیشلسٹ، گائناکالوجسٹ، سرجیکل اسپشلسٹ، ماہر جلدی امراض اور چائلڈ اسپشلسٹ پر مشتمل تربیت یافتہ ڈاکٹرز کی ٹیم نے مریضوں کا معائنہ کیا۔
اس موقع پرانہیں متعلقہ پیرامیڈیکل اسٹاف کی مدد بھی حاصل تھی۔
پاک بحریہ کے میڈیل عملے نے مریضوں کو جنرل ہیلتھ کیئر، سرجری، ڈرماٹالوجی، گائنی اور بچوں سے متعلقہ امراض کے شعبے میں مریضوں کو علاج معالجے کی سہولیات فراہم کیں۔
اس موقع پر مریضوں کو مفت ادویات بھی فراہم کی گئیں۔
کیمپ میں 1400 سے زائد مریضوں کا علاج کیا گیا، جن میں مرد، عورتیں اور بچے شامل تھے۔