اعلیٰ ثانوی تعلیمی بورڈ کے تحت کراچی میں آج ہونے والا انٹر کا انگریزی کا پرچہ بھی آؤٹ ہو گیا۔
انگریزی کا مذکورہ پرچہ امتحانی مراکز پر پہنچنے سے قبل نقل مافیا کے ہاتھوں میں آگیا جس کے بعد پرچہ شروع ہونے سے 40 منٹ پہلے سوشل میڈیا پر آگیا۔
مذکورہ پرچہ آؤٹ ہونے کے بعد اس کا حل شدہ پرچہ بھی سوشل میڈیا پر موجود ہے۔
واضح رہے کہ کراچی میں اس سال انٹرمیڈیٹ کے اب تک ہونے والے تمام پرچے آؤٹ ہوئے ہیں۔
اعلیٰ ثانوی تعلیمی بورڈ نقل کی روک تھام اور پرچے آؤٹ ہونے سے روکنے میں تاحال ناکام رہا ہے حالانکہ امتحانی مراکز کے نزدیک موجود فوٹو اسٹیٹ شاپس کو امتحانات کے دوران کھولنے پر پابندی عائد کی گئی ہے۔