لاہور ہائیکورٹ نے بصارت سے محروم ڈیلی ویجز ملازمین کو برطرف کرنے سے تاحکم ثانی روک دیا۔
لاہور ہائیکورٹ کےجسٹس علی باقر نجفی نے نابینا ملازمین کی درخواستوں پر سماعت کی، درخواست گزاروں نے نشاندہی کی کہ پنجاب حکومت انہیں ملازمت پر مستقل نہیں کر رہی،اندیشہ ہے کہ انہیں برطرف کر دیا جائے گا۔
ملازمین نے درخواست میں استدعاکی کہ حکومت انہیں مستقل کرنے اور برطرفی سے روکنے کا حکم دے۔
اس موقع پر عدالت نے حکم امتناعی جاری کرتےہوئے پنجاب حکومت، سیکریٹری اسپیشل ایجوکیشن اور ڈی سی کو نوٹس جاری کر کےجواب طلب کر لیا۔