گلگت ایئر پورٹ پر پی آئی اے کا طیارہ رن وے سے اترنے کے واقعے میں طیارے کو پہنچنے والے نقصان کی حتمی رپورٹ پی آئی اے کے انجینئرز تیار کریں گے۔
ذرائع کا کہنا ہے کہ رپورٹ سی ای او ایئر مارشل ارشد ملک کو ایک ہفتے میں پیش کی جائے گی، پی آئی اے کے انجینئرز نے گزشتہ شام طیارے کا معائنہ بھی کیا۔
انجینئرز نے طیارے کی ریکوری کا کام شروع کردیا ہے، اے ٹی آر طیارے کو کرینوں کی مدد سے سیدھا کردیا گیا، آج طیارے کو کچے سے رن وے کے ذریعے ہینگر پر منتقل کیا جائے گا۔
ذرائع کا کہنا ہے کہ گلگت ایئر پورٹ پر پی آئی اے کا طیارہ رن وے سے اتر گیا تھا جس کے باعث طیارے کے دائیں ونگ کو شدید نقصان پہنچا ہے۔