پاکستان کرکٹ ٹیم کے سابق کپتان اور فٹنس کیمپ کے کمانڈنٹ مصبا ح الحق نے کہا ہے کہ ابھی تک قومی ٹیم کے ہیڈ کوچ کے لیے درخواست نہیں دی، جب بھی عہدے کے لیے درخواست دوں گا تو کرکٹ کمیٹی سے فوری مستعفی ہوجاؤں گا۔
قذافی اسٹیڈیم لاہور میں میڈیا سے گفتگو میں مصباح الحق نے کہا کہ اگر بورڈ کو محسوس ہوتا ہے کہ کپتان پر بوجھ زیادہ ہے تو مختلف فارمیٹ کا کپتان الگ کیا جا سکتا ہے۔
مصباح الحق کا کہنا تھا کہ ان کا مقصد کھلاڑیوں کی فٹنس بہتر بنانا اور اچھے کھلاڑیوں کو پک کرنا ہے، سینٹرل کنٹریکٹ میں شامل کھلاڑیوں پر خصوصی توجہ دی ہے، کپتان کے بارے میں فیصلے کا اختیار صرف بورڈ کے پاس ہے۔
انہوں نے کہا کہ کھلاڑیوں کا انتخاب ڈومیسٹک میچز میں کارکردگی پر ہو گا،سلیکشن میں صرف فٹنس نہیں ٹیم کی ضرورت بھی مدنظر رکھنا ہوتی ہے۔