اسلام آباد (جنگ رپورٹر)سندھ بار کونسل نے بھی وفاقی حکومت کی جانب سے سپریم کورٹ کے جج ،مسٹر جسٹس قاضی فائز عیسیٰ اور سندھ ہائیکورٹ کے جج ،مسٹر جسٹس کے کے آغا کے خلاف سپریم جوڈیشل کونسل کو بھجوائے گئے صدارتی ریفرنس کے خلاف سپریم کورٹ میں ایک آئینی درخواست دائر کردی ہے۔سپریم کورٹ کے وکیل اور پی پی پی رہنماء رضا ربانی اور دیگر وکلاء کی جانب سے سندھ بار کونسل نے ہفتہ کے روز آئین کے آرٹیکل 184(3)کے تحت دائر کی گئی درخواست میں صدر مملکت ، وفاقی پاکستان اور سپریم جو ڈیشل کونسل کو فریق بنایا ہے ۔