لندن(پی اے) ایرانی نژاد برطانوی خاتون نازنین زخاری ریٹکلف کی پانچ سالہ بیٹی یو کے واپس پہنچ گئی۔ 40 سالہ نازنین زخاری جاسوسی کے الزام میںتہران کی ایوان جیل میںقید ہے، نازنین نے تمام الزامات کو ہمیشہ مسترد کیا۔ اس کی بیٹی گیبریلا جو کہ برطانیہ میںپیدا ہوئی تھی، تہران میںاپنے ننھیال میںرہ رہی تھی، وطن واپس پہنچ کر اپنی تعلیم کا آغاز کریگی، بچی کے والد رچرڈ نے بتایا کہ ہمیں اپنی بیٹی کی وطن واپسی کیلئے جدوجہد کرنی پڑی، میںبرطانوی ایمبیسی اور ایرانی وزارت خارجہ کا شکر گزار ہوںکہ انہوںنے میرے ساتھ تعاون کیا، نازنین زخاری 2016میں اپنی بیٹی کو رشتہ داروںسے ملانے کیلئے ایران گئی تھی وہاں اس کو گرفتار کرلیا گیا تھا، اس دوران اس کی بیٹی گیبریلا کو ہفتے میں ایک بار اپنی ماں سے ملوانے کیلئے جیل لایاجاتا تھا، نازنین زخاری کے شوہر نے بی بی سی کو بتایا کہ جب تک میری بیوی گھر واپس نہیںآتی تب تک ہم کوششیںکرتے رہے گے گیبریلا کی واپس کے حوالے سے فارن سیکرٹری ڈومینک راب نے ایران سے زخاری کی رہائی کا اپنا مطالبہ دہرایا اور کہا کہ ایسی صورتحال کسی خاندان کے ساتھ بھی پیش آئے، انہوںنے مزید کہا کہ ہم ایران پر اپنا دبائو جاری رکھیںگے کہ نازنین کو فوری طورپر رہا کیاجائے، سابق فارن سیکرٹری جیرمی ہنٹ نے گیبریلا کی رہائی کی خبر پر تبصرہ کرتے ہوئے کہا کہ اسے کہتے ہیںکڑوںٹافی اور برطانوی حکومت سے مطالبہ کیا کہ نازنین زخاری کی رہائی کیلئے کوششیںدوگنا کردینی چاہئیں، ایران نے حالیہ برسوں میں دوہری شہریت کے حامل متعدد افرد کو قید کیا زیادہ تر یہ جاسوسی کے الزامات لگائے گئے ہیں، فیمبلی کے ایم پی ٹیولپ صدیق دلیبی ایران سے مطالبہ کیا کہ وہ اپنی ہاسٹیج ڈپلومیسی ختم کردے اور نازنین زخاری کو فورا رہا کرے، بیگم صدیق کا کہنا تھا کہ ایک ہزار تین سو دن دور رہنے کے بعد گیبریلا اپنے والد سے ٓملی ہے، دوسری جانب وہ اپنی ماں سے جدا ہوئی ہے۔