سندھ حکومت نے گاڑیوں کی نمبر پلیٹس شہریوں کے گھروں پر پہنچانے کی سہولت پر غور شروع کردیا ہے۔
محکمہ ایکسائز کے سیکریٹری عبد الحلیم شیخ کا کہنا ہے کہ 70 ہزار سے زائد نمبر پلیٹس 3 سال سے تیار ہیں مگر شہری انہیں لینے نہیں آ رہے، اس لیے فیصلہ کیا ہے کہ اب رجسٹریشن کی نمبر پلیٹ گھر پر بھیجی جائے گی۔
اُن کا کہنا تھا کہ گھر پر نمبرپلیٹ پہنچانے کے علیحدہ چارجز لیے جائیں گے، جبکہ اس سروس کا آغاز آئندہ سال سے ہوگا۔
عبدالحلیم شیخ کا کہنا تھا کہ چپ والی نمبر پلیٹ بھی آئندہ سال سے متعارف کرائی جائے گی۔