یکم دسمبر سے پٹرول 25 پیسے اور ہائی اسپیڈ ڈیزل 2 روپے 40 پیسے فی لیٹر سستا کر دیا گیا۔ وزارت خزانہ نے اعلامیہ جاری کر دیا۔
مٹی کے تیل کی قیمت میں 83 پیسے اور لائٹ ڈیزل آئل کی قیمت میں 2 روپے 90 پیسے فی لیٹر کمی کر دی گئی۔
وزارت خزانہ کے اعلامیے کے مطابق پٹرول کی قیمت میں 25 پیسے کمی سے نئی قیمت 113روپے 99 پیسے فی لیٹر مقرر کی گئی ہے، ہائی اسپیڈ ڈیزل 2 روپے 40 پیسے کمی کے بعد نئی قیمت 125روپے ایک پیسہ اور مٹی کے تیل کی نئی قیمت 83 پیسے کمی کے ساتھ 96 روپے 35 پیسے فی لیٹر مقرر کی گئی ہے۔
لائٹ ڈیزل آئل کی قیمت میں 2 روپے 90 پیسے کمی سے نئی قیمت 82 روپے 43 پیسے فی لیٹر مقرر کی گئی ہے۔
تمام پٹرولیم مصنوعات کی قیمتوں کا تعین 17 فیصد جی ایس ٹی کی بنیاد پر کیا گیا ہے، فی لیٹر پٹرول میں 15 روپے پٹرولیم لیوی شامل کی گئی ہے، جبکہ ڈیزل پر پٹرولیم لیوی 18 روپے مٹی کے تیل پر 6 روپے اور لائٹ ڈیزل آئل پر 3 روپے فی لیٹر شامل ہے۔