پاکستان پیپلز پارٹی (پی پی پی) کے رہنما اور سندھ حکومت کے ترجمان مرتضیٰ وہاب نے فردوس شمیم نقوی کی پریس کانفرنس کا جواب دے دیا۔
مرتضیٰ وہاب نے کہا کہ پیپلزپارٹی میں فارورڈ بلاک کا خواب دیکھنا دیوانے کے خواب دیکھنے کے مترادف ہے، فردوس شمیم کے خلاف ان کی جماعت میں نصف درجن فارورڈ بلاک ہیں۔
انہوں نے کہا کہ پی ٹی آئی کے ارکان اسمبلی خود اپوزیشن لیڈر سے جان چھڑانا چاہتے ہیں، پی ٹی آئی کا سندھ میں حکومت بنانا رہتی دنیا تک خواب ہی رہے گا۔
مرتضیٰ وہاب نے سوال کیا کہ اپوزیشن لیڈر یہ بتادیں کہ کراچی کو وفاق کے 162 ارب روپے کب ملیں گے؟ وہ وزیر اعلیٰ سندھ پر بات کرنے سے پہلے وزیر اعلیٰ پنجاب کی کاکردگی بھی سامنے رکھیں۔