وزیر اعظم کی معاون خصوصی برائے اطلاعات فردوس عاشق اعوان کا کہنا ہے کہ کراچی ملک کی معاشی سر گرمیوں کا مرکز ہے ۔
فردوس عاشق اعوان نے کہا کہ وزیر اعظم نے کراچی میں تاجروں سے تفصیلی ملاقات کی ہے۔
انہوں نے کہا کہ کاروباری برادری نے حکومت کی پالیسیوں پر اعتماد کیا ہے، جبکہ وزیر اعظم نے وزیر اعلی سندھ کو مکمل تعاون کی یقین دہانی کرائی ہے۔
معاون خصوصی برائے اطلاعات نے کہا کہ سندھ کے مسائل کو حل کرنا اور کرپشن سے پاک کرنا ہماری حکومت کا ایجنڈا ہے۔
فردوس عاشق اعوان نے کہا کہ سندھ میں کرپشن فری ماحول بنانے کے لیئے وفاقی اور صوبائی حکومتیں آپس میں تعاون کریں گی۔