وزیر صحت پنجاب یاسمین راشد نے سابق وزیر اعظم نواز شریف کی میڈیکل رپورٹس کو اصلی قرارد یا ۔
لاہور میں میڈیا سے گفتگو کرتے ہوئے یاسمین راشد نے کہا کہ نواز شریف کی تمام رپورٹس پنجاب حکومت کی نگرانی میں بنی ہیں جو بالکل اصلی ہیں۔
انہوں نے کہا کہ انہیں رپورٹس تیار کرنے والے ڈاکٹرز پر اعتماد ہے وہ آج بھی نواز شریف کی رپورٹس پر قائم ہیں۔
دوسری طرف یاسمین راشد کا یہ بھی کہنا تھا کہ نواز شریف نے اپنے وعدے پر عمل نہیں کیا، 16 ہفتے ہوگئے وہ کسی اسپتال میں داخل نہیں ہوئے۔
انہوں نے کہا کہ نواز شریف کی طرف سے بھیجی جانے والی رپورٹس نامکمل ہیں۔
صوبائی وزیرِ صحت نے کہا کہ کورونا وائرس پر اسپتالوں میں سینٹر قائم کیے گئے ہیں، بروقت حکومتی اقدامات سے مریضوں کی تعداد نہیں بڑھی ہے۔