پنجاب ہیلتھ کیئر کمیشن نے لاہور میں کارروائی کرتے ہوئے ناقص انتظامات پر 5 نجی اسپتالوں کے 10 آپریشن تھیٹرز میں سرجری کا عمل روک دیا۔
ترجمان پنجاب ہیلتھ کیئر کمیشن کے مطابق لاہور کے مختلف علاقوں میں پرائیویٹ اسپتالوں کی انسپکشن کی گئی، 5 اسپتالوں میں مطلوبہ معیار کے انتظامات نہ ہونے پر ان کے آپریشن تھیٹرز میں سرجری کا عمل روک دیا گیا۔
اسپتال مالکان کو نوٹس جاری کرتے ہوئے مطلوبہ معیار پر عملدرآمد یقینی بنانے کی ہدایت کی گئی ہے۔