ڈائریکٹر محکمہ موسمیات نےاپنے ایک بیان میں بتایا ہے کہ یکم سے دو جون کے دوران بحیرہ عرب میں ہوا کا کم دباؤبننے کا امکان ہے۔
ڈائریکٹر محکمہ موسمیات سردار سرفراز کے مطابق ہوا کا کم دباؤسائیکلون میں تبدیل ہوگا یا نہیں کہنا قبل ازوقت ہے۔ اُن کا کہنا ہے کہ خلیج عدن میں آج یا کل ہوا کا کم دباؤ بن جائے گا۔
سردار سرفراز نے کہا کہ یمن میں بننے والا ہوا کا کم دباؤ ڈپریشن میں تبدیل ہوسکتا ہے۔
ڈائریکٹر محکمہ موسمیات نے بتایا کہ ہوا کے کم دباؤ سے بننے والے سمندری طوفان کو’’نثارگا‘‘ نام دیا جائے گا، یہ نام بنگلا دیش کاتجویز کردہ ہے۔