ترجمان سندھ حکومت بیرسٹر مرتضی وہاب کا کہنا ہے کہ کراچی میں طیارے حادثے میں جاں بحق ہونے والے افراد میں سے چار مزید شہداء کی میتوں کی شناخت ڈی این اے کے ذریعے ہوگئی ہے۔
سماجی رابطے کی ویب سائٹ ٹوئٹر پر اپنے پیغام میں بیرسٹر مرتضی وہاب نے بتایا کہ جامعہ کراچی لیبارٹری میں ورثاء اور میت کے نمونے کراس میچ کیے گئے۔
انہوں نے کہا کہ ڈی این اے ٹیسٹ کی مدد سے طیارہ حادثے میں شہید افراد کی نعشوں کی شناخت جاری ہے۔
ٹوئٹر پر اپنے پیغام میں ترجمان سندھ حکومت بیرسٹر مرتضی وہاب نے کہا کہ 4 نعشوں کی ڈی این اے کی مدد سے شناخت کرلی گئی ہے، ورثا کو میتوں کی شناخت سے آگاہ کر دیا ہے اور نعشیں ورثا کےحوالے کی جارہی ہیں۔
مرتضی وہاب نے کہا کہ دیگر شہید مسافروں کی میتوں کی شناخت کےلیےڈی این اے جاری ہے۔