مائیکرو بلاگنگ سائٹ ٹوئٹر کی جانب سے ایک ایسا فیچر متعارف کرایا گیا ہے جس سے صارفین اپنے ٹوئٹس کا شیڈول ڈرافٹ کر سکیں گے۔
اس سے قبل صارفین متعدد ٹوئٹر صارفین کو اس حوالے سے پریشانی کا سامنا تھا کہ وہ اپنا پیغام یعنی ٹوئٹ خاص وقت پر پوسٹ نہیں کر سکتے تھے کیونکہ سائٹ میں شیڈول کا آپشن نہیں تھا۔
ٹوئٹر نے اب اس مسئلے کے حل کے لیے شیڈول اور ڈرافٹ کا فیچر تمام صارفین کے لیے متعارف کرا دیا ہے۔
اس فیچر کا استعمال کرتے ہوئے اب صارفین اپنے پیغام کو اپنی مرضی کے مطابق شیڈول کر سکتے ہیں۔
اگر کوئی ٹوئٹر صارف اپنے پیغام کو رات میں پوسٹ کرنا چاہتا ہے تو اس فیچر کے ذریعے وہ اپنا پیغام لکھنے کے بعد گھڑی کے آئیکن پر کلک کر کے پیغام کے وقت اور تاریخ کا اندراج کر سکتا ہے جس کے بعد اس کا ٹوئٹ شیڈول کے مطابق پوسٹ ہو جائے گا