متحدہ علماء بورڈ کے چیئرمین علامہ حافظ طاہر اشرفی نے کہا ہے کہ مکاتب فکر کے علما کے لیے مشترکہ ضابطہ اخلاق جاری کردیا گیا ہے۔
ان خیالات کا اظہار انہوں نے لاہور میں متحدہ علماء بورڈ کے اجلاس کے بعد پریس کانفرنس کرتے ہوئے کیا۔
حافظ طاہر اشرفی نے کہا کہ ضابطہ اخلاق کی خلاف ورزی پر ایکشن ہوگا۔
انہوں نے یہ بھی کہا کہ قرآن و سنت کی تعلیمات کے برعکس فتوے کو روکا جائے گا۔
چیئرمین متحدہ علما بورڈ کا کہنا تھا کہ کسی فرد، جماعت یا گروہ کو انتشار پھیلانے نہیں دیں گے۔
حافظ طاہراشرفی نے حکومت سے مطالبہ کیا کہ قومی ایکشن پلان پر بلاتفریق عمل کرایا جائے۔