کورونا احتیاط کی صورتحال میں امریکا میں فلمیں دیکھنے کے دیوانوں نے منفرد انداز اپنایا اور ڈرائیور ان سینما تیار کرلیا جو اب بے حد مقبول ہو رہا ہے۔
میڈیا رپورٹس کے مطابق چین کے شہر وہان سے شروع ہونے والی کورونا وائرس کی عالمی وبا سے اب تک لاکھوں افراد ہلاک اور متاثر ہوچکے ہیں۔
اس جان لیوا وبا کو پھیلنے سے روکنے کے لیے جہاں دنیا بھر میں لوگوں کو گھروں میں رہنے کا کہا جا رہا ہے وہیں کئی ممالک مکمل طور پر یا جزوی لاک ڈاؤن ہیں۔
جس کے باعث تمام کاروباری مراکز، شاپنگ مالز، سینما، فٹنس کلب و دیگر مقامات مکمل طور پربند ہیں تو کہیں کچھ کاروبار و عوامی مقامات احتیاطی تدابیر کے ساتھ کھول دیئے گئے ہیں۔
امریکی شہر نیویارک میں ڈرائیو ان سینما کھولا گیا جہاں آنے والے صارفین گاڑیوں میں آتے ہیں اور گاڑی میں ہی بیٹھ کر فیملی کے ساتھ فلمیں انجوائے کر رہے ہیں۔