ایڈیشنل آئی جی کراچی نے تھانیداروں کو ہدایت کی ہے کہ اگر کہیں پر جرم ہوتا ہے تو تھانے کی حدود کے تعین میں عوام کو پریشان کرنے کے بجائے کسی ایک تھانے میں مقدمہ درج کردیا جائے۔
تھانوں کی حدود کے تعین کے تنازع پر ایڈیشنل آئی جی کراچی غلام نبی میمن نے عوام کے لئے بہترین قدم اٹھاتے ہوئے تھانیداروں کو ہدایت کی ہے کہ تھانوں کی حدود کے تعین کرنے میں عوام کو پریشان نہ کیا جائے۔
غلام نبی میمن نے کہا کہ کسی واردات کے مقدمہ میں تھانوں کے درمیان حد کے مسئلے پر کسی بھی ایک تھانے میں مقدمہ درج کردیا جائے، حدود کے تعین کے تنازع میں عوام کو پریشانی ہورہی ہے۔
انہوں نے یہ بھی کہا کہ اگر جرم دور دراز کے تھانے میں ہوا ہو تو شہری اپنے علاقائی تھانے میں مقدمہ درج نہیں کراسکتے۔