بالی وڈ اداکارہ دیشا پٹانی نے انسٹاگرام پر 4 کروڑ فالوورز ہونے پر خوشی کا اظہار کچھ الگ طریقے سے کیا۔ خوبصورت ہنسی اور بظاہر نازک دکھنے والی دیشا پٹانی نے 60 کلو وزن اٹھا کر ایکسرسائز کی اور مداحوں کا شکریہ ادا کیا۔
دیشا پٹانی اپنی فٹنس پر کافی توجہ دیتی ہیں۔ اداکارہ اکثر جم اور اپنے ورک آؤٹس کی ویڈیو شیئر کرتی رہتی ہیں۔ اس بار انہوں نے 60 کلو وزن اٹھا کر (اسکواٹس) ایکسرسائز کے 10 ریپس کئے۔
دیشا پٹانی نے اپنے مداحوں اور دوستوں کی محبت اور سپورٹ پر ان کا شکریہ ادا کرتے ہوئے پیغام میں لکھا کہ وہ ان سب کے بغیر کچھ بھی نہیں۔
اداکارہ کی وڈیو اور پیغام کو کچھ ہی وقت میں 22لاکھ 59ہزار سے زائد افراد دیکھ اور پسند کر چکے ہیں۔
اس سے قبل بھی دیشا پٹانی کئی بار جِم میں اپنے ورک آؤٹس کی ویڈیوز شیئر کر چکی ہیں۔