پنجاب کے ضلع ٹوبہ ٹیک سنگھ کے شہر کمالیہ میں حادثہ پیش آیا ہے جس کے نتیجے میں 6 افراد جاں بحق ہو گئے۔
مقامی پولیس کے مطابق کمالیہ میں راوی پل کے قریب ٹریلر کی کار سے ٹکر ہو گئی جس کے نتیجے میں کار میں سوار 6 افراد جاں بحق ہو گئے۔
پولیس کے مطابق جاں بحق ہونے والے تمام افراد کا تعلق ایک ہی خاندان سے ہے، جن میں 2 خواتین، 1 بچہ اور 3 مرد شامل ہیں۔
ریسکیو ذرائع کی مدد سے جاں بحق افراد کی لاشوں کو حادثے کا شکار کار سے نکال کر اسپتال منتقل کیا گیا ہے۔