بلوچستان یونیورسٹی انتظامیہ کی جانب سے ایک بار پھر یونیورسٹی کے احاطے میں سیاسی عمل اور سیاسی مجالس پر پابندی عائد کردی گئی ہے۔
اس حوالے سے یونیورسٹی کے رجسٹرار کی جانب سے سیکیورٹی اداروں کو بھجوائے گئے خط کے مطابق جامعہ کے تعلیمی ماحول کو کسی بھی قسم کے خلل سے محفوظ رکھنے کے لیے جامعہ کی حدود میں سیاسی سرگرمیوں پر پابندی عائد کی گئی ہے۔
انھوں نے مزید کہا کہ پورے ملک سمیت بلوچستان کے تعلیم اداروں میں اکیڈمک سرگرمیوں کا حال ہی میں آغاز ہوا ہے، لہٰذا گورنر بلوچستان کے احکامات کی روشنی اور امن و امان کی موجودہ صورتحال کے تناظر میں یونیورسٹی احاطے میں سیاسی عمل پابندی عائد کی گئی ہے۔
لہٰذا تمام سیکورٹی اداروں کو ہدایت کی جاتی ہے کہ وہ اس سلسلے میں سختی سے عملدرآمد کریں۔