سابق صدر آصف زرداری نے بیگم نصرت بھٹو کی برسی کے موقع پر اپنے پیغام میں کہا ہے کہ بیگم نصرت بھٹو کی ملک، آئین اور جمہوریت کیلئے خدمات رہتی دنیا تک یاد رہیں گی۔
انھوں نے کہا کہ بیگم نصرت بھٹو نے ملک، عوام ،آئین اور جمہوریت کے لیے اپنا گلشن قربان کردیا۔
سابق صدر نے مزید کہا کہ سیاست میں صبر اور برداشت کا اصول بھی مادر جمہوریت بیگم نصرت بھٹو نے دیا تھا۔
انھوں نے کہا کہ بیگم نصرت بھٹو نے مشکلات کا صبر سے مقابلہ کرنے اور آمریت سے لڑنا سکھایا۔ مادر جمہوریت کی روح سے وعدہ کرتے ہیں کہ ان کے بتائے ہوئے راستے پر ثابت قدم رہیں گے۔