کوئٹہ(اسٹاف رپورٹر)بلوچستان اسمبلی میں صدارتی آرڈیننس کےذریعے بلوچستان اور سندھ کے ساحلوں پر واقع جزائر کو اپنی تحویل،قبضے میں لینے کے خلاف قرارداد متفقہ طور پر منظور کر لی گئی ، ائے این کے صوبائی سیکرٹری اطلاعات کے اغوا سے متعلق تحریک التوا پر بحث مکمل کرلی گئی ، ایک بار پھر کورم ٹوٹ جانے کے باعث 6 قراردادوں پر بحث نہ ہوسکی ۔ بلوچستان اسمبلی کا اجلاس جمعرات کو مقررہ وقت سے ایک گھنٹی کی تاخیر سے ڈپٹی اسپیکر سردار بابر خان موسیٰ خیل کی صدارت میں ہوا۔