کمشنر کراچی نے کل سے شہر میں تمام ریسٹورنٹس میں انڈور ڈائننگ پر پابندی لگادی۔
کمشنر کراچی کے آفس سے جاری بیان کے مطابق کمشنر افتخار شالوانی نے تمام ڈی سیز کو حکم دیا ہے کہ ریسٹورنٹس کو صرف اوپن جگہ پر ڈائننگ کی اجازت ہوگی، احکامات پر عمل کرایا جائے۔
کمشنر کراچی کے مطابق فیصلہ کورونا کے پھیلاؤ کو روکنے کے لئے کیا گیا ہے اس دوران تمام ہوٹل اور ریسٹورنٹ صرف پارسل کھانا فراہم کرسکیں گے۔
کمشنر کراچی نے ڈپٹی کمشنرز کو احکامات پر عمل درآمد یقینی بنانے کی ہدایت کی ہے۔