پنجاب کے ضلع ساہیوال کی تحصیل چیچہ وطنی میں تلخ کلامی کے بعد مخالفین کی فائرنگ سے 3 سگے بھائی جاں بحق ہو گئے۔
پولیس کے مطابق چیچہ وطنی کے گاؤں 13 گیارہ ایل میں ملزم عثمان کی 3 بھائیوں سے تلخ کلامی ہوئی۔
ملزم نے ساتھیوں کے ساتھ مل کر فائرنگ کر کے تینوں بھائیوں کو قتل کر دیا جس کےبعد ملزمان فرار ہو رہے تھے کہ پولیس نے ایک ملزم کو گرفتار کر لیا ہے۔
چیچہ وطنی پولیس کے مطابق واقعے کے 2 ملزمان فرار ہونے میں کامیاب ہو گئے ہیں جن کی تلاش جاری ہے۔