کراچی میں رینجرز اور پولیس نے انٹیلی جنس بنیاد پر کارروائی کے دوران 1 شخص کو قتل کر کے اس کی لاش جلانےکے الزام میں 5 ملزمان کو گرفتار کر لیا۔
ترجمان سندھ رینجرز کے مطابق گرفتار ملزمان نے رواں سال ماہِ اکتوبر میں مومن آباد میں ایک شخص کو قتل کیا تھا۔
رینجرز کے ترجمان نے بتایا ہے کہ قتل کی واردات انجام دینے کے بعد ملزمان نے مقتول کی لاش سوزوکی وین میں ڈال کر جلا دی تھی۔
ترجمان رینجرز کا کہنا ہے کہ مقتول کی شناخت پوسٹ مارٹم کے بعد خیر محمد کے نام سے ہوئی تھی۔
رینجرز کے ترجمان کا مزید کہنا ہے کہ اس قتل کا مقدمہ اتحاد ٹاؤن تھانے میں نامعلوم ملزمان کے خلاف درج کیا گیا تھا۔
سندھ رینجرز کے ترجمان کا یہ بھی کہنا ہے کہ گرفتار کیئے گئے ملزمان کو مزید کارروائی کے لیے پولیس کی تحویل میں دے دیا گیا ہے۔