وزیر صحت پنجاب ڈاکٹر یاسمین راشد کا کہنا ہے کہ پنجاب میں صحت کارڈ کا دائرہ کار 52 لاکھ سے بڑھا کر 85 لاکھ خاندانوں تک کیا جارہا ہے۔
وزیر صحت پنجاب ڈاکٹر یاسمین راشد کی زیر صدارت اجلاس میں دو ڈویژنز کے تمام خاندانوں کو صحت سہولت کارڈ دینے کا فیصلہ کیا گیا۔
اس حوالے سے ڈاکٹر یاسمین راشد نے کہا کہ آئندہ مالی سال سے قبل ساہیوال اور ڈی جی خان ڈویژن میں کارڈ تقسیم کیےجائیں گے۔
انہوں نے کہا کہ صحت سہولت کارڈ رکھنے والےخاندان سرکاری و نجی اسپتالوں سے مفت علاج کراسکیں گے۔