برطانیہ میں کورونا وائرس کی تبدیل شدہ قسم سامنے آنے کے بعد بھارتی ریاست مہاراشٹر نے ممبئی سمیت تمام شہروں میں رات کا کرفیو لگانے کا اعلان کردیا۔
بھارتی حکام کے مطابق کورونا وائرس کی نئی قسم ابھی ملک میں سامنے نہیں آئی ہے۔
ممبئی سمیت ریاست کے تمام شہروں میں کرفیوکا اطلاق آج رات سے ہوگا جو 5 جنوری تک جاری رہے گا۔
ممبئی ایئرپورٹ حکام نے کہا ہے کہ یورپ اور مڈل ایسٹ سے آنے والے مسافروں کو قرنطینہ اختیار کرنا ہوگا جس کے بعد ان کے کورونا ٹیسٹ کیے جائیں گے۔
بھارت گزشتہ روز برطانیہ پر سفری پابندیاں لگانے کا اعلان بھی کرچکا ہے۔