بٹگرام کے علاقے بٹلے کے قریب لینڈ سلائیڈنگ سے ہزارہ ایکسپریس وے ہر قسم کی ٹریفک کے لئے بند ہوگئی۔
پولیس کے مطابق پہاڑی سے بھاری ملبا ایکسپریس وے پر آگرا، شاہراہ بند ہونے سے گاڑیاں پھنس گئیں۔
پولیس نے گلگت آمدورفت کی گاڑیوں کو متبادل راستے سے شاہراہ قراقرم کی طرف موڑنا شروع کردیا ہے۔
انتظامیہ نے مسافروں کو بٹل سے آگے شاہراہ قراقرم پر سفر کرنے کی ہدایت کی ہے۔
پولیس کا کہنا ہے کہ شاہراہ کی صفائی کے لئے 10 گھنٹوں سے زائد وقت درکار ہے۔