حامد علی سید
نیا سال اور نئی ہیں امنگیں
ہمارے دلوں میں بسی ہیں امنگیں
ہم ایک دوسرے کا سہارا بنیں گے
اندھیری رتوں میں ستارہ بنیں گے
دکھائیں گے ہم تیرگی سے نکل کر
حصار ستم بے کسی سے نکل کر
محبت کے نغمے وفا کے فسانے
لکھیں گے ہم زندگی کے ترانے
نگار ِوطن جگمگانا ہے ہم کو
اسے خوب صورت بنانا ہے ہم کو
ہمیں اب اجالوں میں آنا پڑے گا
جو غافل ہیں ان کو جگانا پڑے گا
نیا سال بچوں یہ پیغام لایا
کریں دھوپ میں ہم بھی تقسیم سایہ