پاکستان کے نامور ہدایت کار محمد جاوید فاضل کی آج دسویں برسی منائی جا رہی ہے۔
فلم انڈسٹری میں ریما خان اور شان جیسے فن کار متعارف کروانے والے پاکستان کے نامور ہدایت کار محمد جاوید فاضل کی آج دسویں برسی منائی جا رہی ہے۔
انہوں نے ایک سے بڑھ کر ایک فلم کی ڈائریکشن دی، لیونگ لیجنڈ ندیم اور جاوید فاضل کا اشتراک تیرہ فلموں کا رہا جن میں فلم ’دھلیز‘ نے ڈائمنڈ جوبلی کا درجہ حاصل کیا۔
دیگر فلموں میں صائمہ، ہم سے ہے زمانہ، فیصلہ، حساب اور بازارِ حُسن نے گولڈن جوبلیاں منائیں، جب کہ آہٹ، لازوال، ناراض، آوارگی، کندن اور بلندی نے سلور جوبلی کا اعزاز حاصل کیا تھا۔
صرف ایک فلم ’میں ایک دن لوٹ کر آؤں گا‘ کوئی جوبلی نہ مناسکی۔
انہوں نے اپنی زندگی کا دور کراچی میں گزارا اور کئی ٹی وی ڈراموں کی ڈائریکشن بھی دی۔