گورنر پنجاب چوہدری محمد سرور کہتے ہیں کہ معروف بھارتی ٹی وی اینکر ارناب گوسوامی کی لیکڈ گفتگو نے مودی کا فاشسٹ چہرہ بے نقاب کر دیا ہے۔
لاہور سے جاری کیے گئے اپنے بیان میں گورنر پنجاب چوہدری محمود سرور نے کہا کہ مودی نے پلوامہ واقعہ الیکشن میں کامیابی کے لیے خود کروایا۔
چوہدری محمد سرور نے کہا کہ بھارت کا جنگی جنون پوری دنیا میں امن کے لیے خطرہ ہے لہٰذا اقوام متحدہ کو پلوامہ واقعے کی تحقیقات کرنی چاہیے۔
اُنہوں نے مزید کہا کہ پاکستان امن جبکہ بھارت دہشت گردی کے ساتھ ہے۔
واضح رہے کہ بھارتی اینکر ارنب گوسوامی کو بھارت میں اعلیٰ ترین سطح پر ہونے والے فیصلوں کا علم تھا، اس حوالے سے ارنب گوسوامی اور بھارتی براڈ کاسٹ آڈینس ریسرچ کونسل کے سربراہ کی واٹس ایپ چیٹ سامنے آگئی ہے۔
واٹس ایپ چیٹ کے مطابق ارنب گوسوامی کو بھارت میں اعلیٰ ترین سطح پر ہونیوالے فیصلوں کا علم تھا، ارنب گوسوامی نہ صرف بالاکوٹ پر حملے بلکہ آرٹیکل 370 کے خاتمے سے بھی آگاہ تھا۔
ارنب گوسوامی بی اے آر سی کے سربراہ کے ساتھ مل کر اپنے چینل کی ریٹنگ بڑھانے پر کام کرتا رہا، 23 فروری 2019 کو ارنب نے بی اے آر سی سربراہ کو پاکستان سے متعلق بڑی خبر کی پیشگی اطلاع دی۔